DJ  Ossewa  kry  dit  reg  om  keer  op  keer  oud  en  jonk  te  vermaak.  Hulle  het  sowaar  ‘n  unieke  gawe  om  ‘n   gehoor  te  lees  en  sy  vertonings  en  grappies  aan  te  pas  sodat  almal  dit  geniet.  Of  hulle  nou  op  ‘n  verhoog   voor  10  000  mense  staan,  tussen  die  manne  op  ‘n  manne  aand  of  saam  met  ‘n  groep  kinders  by  ‘n   vakansie  oord  promosie;  DJ  Ossewa  weet  hoe  om  die  regte  vermaak  krane  oop  te  draai  vir  elkeen.     DJ  Ossewa  se  albums  is  vol  van  hul  malste  en  uitspattigste  idees  omdat  hulle  nog  altyd  nuwe  en  vars   dinge  gedoen  het  in  Afrikaanse  musiek.  “Baie  mense  sal  dink  dis  verseker  mallegeid,  maar  daar  sal  ander   wees  wat  sal  dink  dit  is  awesome!  Die  sleutel  is  om  mallerige  musiek  te  maak  wat  meeste  mense  sal  dink   is  awesome.”     DJ  Ossewa  se  nuuste  album  OSSEWA  VIR  ALTYD,  is  ‘n  samestelling  van  al  hul  gunsteling  opnames  van   meer  as  ‘n  dekade  van  musiek  maak  asook  ‘n  paar  nuwe  opskop  treffers  soos,  DOEN  DIE  FAN  JAM  en   TREK  JOU  JEANS  AAN.  Hierdie  album  sal  jou  terugvat  na  die  Ossewa  se  begin  jare  tot  waar  hulle  vandag   nog  met  dieselfde  toewyding  en  energie  die  land  vermaak.     DJ  Ossewa  se  vertonings  is  vars,  gelaai  met  energie  en  bied  ‘n  fees  van  klank  en  visiele  vermaak.  Hulle   komiese  aanslag  is  populêr  op  groot  skoue  en  feeste  maar  ook  op  intieme  funksies  soos  troues,   verjaarsdae,  boeresports  en  potjiekos  kompetisies.  “Dit  gaan  vir  ons  oor  interaktiewe  vermaak  waar  die   gehoor  voel  hulle  is  deel  van  die  aksie,  die  optrede  moet  ‘n  belewenis  wees  en  elke  faset  bruikbaar  moet   ingespan  word  om  vir  die  gehoor  iets  te  gee  wat  hul  nie  sal  vergeet  nie.”     DJ  Ossewa  en  het  al  verskeie  Huisgenoot  Tempo,  Ghoema,  Vonk  en  SAMA  nominasies  ontvang  en   gewen.  Deur  die  jare  was  daar  gedaante  verwisselings  met  karakters  wat  uittree  en  karakters  wat  intree   en  die  geliefde  Raapie  Knapie  wat  oorlede  is.   Een  ding  is  wel  altyd  ‘n  sekerheid.  Watter  karakter  op  enige  gegewe  dag  wel  op  die  verhoog  stap  is  trots   om  DJ  Ossewa  genoem  te  word.     DJ  Ossewa  se  musiek  videos  kan  beloer  word  op  YouTube  en  hul  vertonings  en  doen  en  late  kan  op  hul   Facebook  blad  gevolg  word.